صفاء مغربي تعلن طلاقها برسالة صادمة

أعلنت الفنانة صفاء المغربي طلاقها من زوجها المخرج يوسف شرف الدين مهاجمة إياه على حسابها الشخصي بموقع التواصل الإجتماعي "فيس بوك".

وكتبت صفاء: "طلبت الطلاق في الخاص طلقني في العام أمام كل الناس أهو البوست يشهد عشرة ١٣ سنة اللي شيلته فوق راسي ورب السماوات والأرض يا يوسف اللي كنت ببكي له ليل نهار عشان تخف ندمت أني شوفتك في حياتي أبو ولادي ظلمني وهددني وطلقني في الغربة وأنا مركبة جهاز يسجل للقلب وتعبانه الحمدلله".

وأضافت: "وأنا لوحدي عشان بطلب أولاده اللي كلهم أكبر مني اللي شتموني يعتذروا ويوعدوني ميكرروش ده وهو اللي عودني أكون كده معاهم لما طردوه في كندا وأنا في مصر لما عرفوا مش معاه فلوس وجيت أنقذته وعاش معايا ٣ سنين هنا في كندا اشتغل وادرس هو اللي بعد عنهم عشان بهدلوه وأنا لما عرفتك زمااان كنت في شقه قانون جديد يعني مكنتش مطمع في حاجة".

وتابعت: "عرفتك وحبيتك عشان شخصك حنيتك اللي مفتقداها وإلا مكنتش خلفت منك طفلين وأنتم فاكرين لما كان بينزل بوستات يشكر فيا وبس دلوقتي قاعد معاهم وبيقوموه عليا عادي سجادة الصلاة ونقضيها شاكيه باكيه لرب العالمين كنت هكتب حاجات توجعك أوي بس هخليها لربنا عشان يديني رزق عظيم ولو هتطاول هنزل كل فضائحكم كل حاجه اللي خايفين منها وبتهددوني بيها أن مقولش وعلى فكره هفرح أوي هرقص في كل مكان هخرج اخيرا هشوف كندا دا أنت كنت حابسني بأهلك ومشاكلكم ممنوع أشوف صحباتي ابنك فرح اقسم بالله" .

مشاركة